रेल्वे स्थानकांत मेटल डिटेक्टरचा वापर खरंच होतोय का?
रेल्वे स्थानकांत मेटल डिटेक्टरचा वापर खरंच होतोय का?
मुंबई उपनगरातील बहुतेक सर्व महत्वाच्या रेल्वे स्थानकांवर सुरक्षेचा उपाय म्हणून मेटल डिटेक्टर बसवण्यात आलेले आहेत. मात्र हे मेटल डीटेक्टर बसवण्याचा उद्देश सफल होतो का हाच मोठा यक्षप्रश्न सर्वांसमोर आहे. बहुतेक प्रवाशी या यंत्राना बगल देऊन पुढे सरकत असल्याने त्यांची अवस्था आज अडगळीसारखी झाली आहे. याचे खरे कारण रेल्वे स्थानकांवर वाढलेली भरमसाठ गर्दी हेच आहे. मोजक्या संख्येने असलेली ही मेटल डिटेक्टर्स, लाखोंच्या संख्येने प्रवास करणाऱ्या प्रवाशांना अपुरी पडत आहेत. त्यामुळे प्रत्येक प्रवाशाची ह्या यंत्रातून तपासणी करावयाची झाल्यास ती वेळखाऊ प्रक्रिया ठरेल व प्रवाशांना देखील तितका वेळ नसतो. त्यामुळे सोयीस्करपणे मेटल डिटेक्टरना बगल देऊन प्रवाशी अन्य मार्गाने जाताना दिसतात. सुरक्षेच्या दृष्टीने अत्यंत महत्वपूर्ण अशा ह्या यंत्रणेच्या वापराबाबत ना रेल्वेला सोयरसुतक ना प्रवाशांना. त्यामुळे अडगळीच्या ठरत असलेल्या ह्या यंत्रांना सुरक्षेच्या दृष्टिकोनातून मुख्य प्रवाहात आणण्यासाठी जाणीवपूर्वक प्रयत्न होणे गरजेचे आहे.
Comments
Post a Comment