विद्यार्थ्यांना समुद्र सफारीचा आनंद - अनाम प्रेमी संस्थेचा स्तुत्य उपक्रम

जिल्हा परिषद शाळा गातेस बु च्या विद्यार्थ्यांना अनाम प्रेमी संस्थेने घडवली समुद्र सफर

महाराष्ट्र दिनाचे औचित्य साधून दिनांक 1 मे रोजी जिल्हा परिषद शाळा, गातेस बु च्या विद्यार्थीची समुद्र सफर अनाम प्रेम सामाजिक संस्थेच्या वतीने आयोजित करण्यात आली होती. आपल्या भारतभुमीला अतिशय सुंदर समुद्रकिनारा लाभलेला आहे मात्र अनेकांना समुद्र म्हणजे काय हे माहीती नाही, समुद्राची विशालता, त्याची गाज, भरती, ओहोटी यापासून ते पूर्णतहा अनभिज्ञ आहेत. आपल्या समृद्ध वारशाचे जतन करने त्याचे महत्त्व पटवून देणे, पर्यावरण संवर्धन करणे या उदात्त हेतूने अनाम प्रेमी सौ. नुतन व श्री. विजय पाटील हे दांम्पत्य मागील पंधरा वर्षांपासून असा अनोखा उपक्रम राबवतात. अंधअपंग, मूकबधिर, कर्णबधिर, परीतक्त्या व निराधार मुलांना आतापर्यंत त्यांनी समुद्रदर्शन घडवले आहे. यावर्षी पालघर जिल्ह्याच्या वाडा तालुक्यातील जिल्हा परिषद शाळा गातेस बु मधील अनुसूचित जाती-जमातीची मुलं शिकत असलेल्या ग्रामीण भागातील  विद्यार्थ्यांची या सहलीसाठी निवड करण्यात आली. सातपाटी येथिल समुद्रात या सर्व विद्यार्थ्यांना गाणी, गोष्टी, अभिनय, खेल यांचा मनमुराद आनंद देत. बोटीतून समुद्राचे दर्शन यावेळी घडवण्यात आले. कधीही समुद्र न पाहीलेली  मुलं भान हरखून सागरसफरीचा आनंद घेत होती. व पाटील दाम्पत्य त्यांना मार्गदर्शन करत होते. त्यांच्या बरोबर निखळ आनंद वाटत होते. ऐतिहासिक शिरगाव किल्ल्यास भेट देवून येथे मुलांना गोष्टीची पुस्तके, टोपी, खावू भेट देण्यात आला. यावेळी मुलांना श्री. निलेश गोतारणे व सौ. प्रिती भोईर यांनी अभिनययुक्त गिते शिकवली याउपक्रमासाठी श्रीम. सुवर्णा निपूतेॅ, सौ.नंदा तुकाराम गोतारणे,सौ,संजिवनी गोतारणे,सौ. नूतन गोतारणे श्री.सुरेश घाटाळ,श्री. उमेश विठ्ठल पाटील हे पालक उपस्थित होते. यासाठी सौ. सोनावणे मॅडम व सौ. पन्हाळे मॅडम यांनी विशेष परिश्रम घेतले. या उपक्रमासाठी श्री. योगेश तुकाराम गोतारणे यांनी प्रास्ताविक व मुख्याध्यापक श्री. दिलीप दुपारे यांनी उपस्थितांचे आभार व्यक्त केले.